شینزن۔5جون (اے پی پی):نائب وزیراعظم اتے وزیر خارجہ سینیٹر محمد اسحاق ڈار چینی کمپنیاں تے زور ݙتے جو او پاکستان اچ نجکاری سانڳے زیر غور 84 سرکاری اداریں دی نجکاری دے عمل اچ حصہ گھنن۔ اے ڳالھ انہاں پاک چین ب??نس فورم توں خطاب کریندے ہوئیں آکھی اے ۔ نائب وزیراعظم پاکستان دی 24 ویں وݙی معیشت ہووݨ دی حیثیت نال ماضی دی معاشی کارکردگی دے چنڳے ٹریک ریکارڈ دا ذکر کریندے ہوئیں آکھیے جو حکومتاں دی ول ول تبدیلی تے سیاسی غیر یقینی صورتحال معاشی پروگرام کوں ٻہوں ضیان ݙتے ۔ انہاں آکھیے وزیراعظم محمد شہباز شریف کنے ھک ٻہوں واضح روڈ میپ اے جیں اچ برآمدات ودھاوݨ سودھے شرح نمو دے نال صنعت کاری اتے درآمدات دے متبادل دے طور تے مبنی صنعت شامل اے جیں دا بنیادی مقصد مالیاتی خسارے کوں گھٹ کرݨ اے ۔ نائب وزیراعظم آئی ٹی، زراعت، کان کنی اتے معدنیات اچ ملک دی صلاحیتاں دا خاص طور تے ذکر کریندے ہوئیں آکھیے ب??نس فورم گزریل تقریبات توں مختلف اے کیوں ج?? ایندے اچ پاکستان اتے چین دے کاروباری اداریں د?? میچ میکنگ شامل اے۔ انہاں چینی تاجراں تے زور ݙتے جو او پاکستان دی صلاحیت کوں سامݨے رکھن ۔ نائب وزیراعظم چینی تاجراں کوں ݙسائے پاکستان اچ مزدوری دی لاگت ٻہوں مسابقتی اے جݙاں ج?? سرمایہ کاری دی سہولت اتے سوکھی پروسیسنگ سانڳے وزیر اعظم دی سربراہی اچ خصوصی سرمایہ کاری سہولت کونسل بݨائی ڳئی اے جیں ا?? ساریاں متعلقہ وزارتاں تے صوبائی وزراء اعلیٰ ھک چھتری تلے کم کریندے پئن ۔انہاں آکھیے اساں ھک ساختی تبدیلی آلے پاسے ویندے پیوں تے اساں جی 20 اچ شمولیت دے ہدف تئیں پڄݨ سانڳے تکھی رفتار نال کم کریندے پیوں ۔
.jpg)
