اسلام آباد۔18 مئی (اے پی پی) وفاقی وزیرآئی ٹی شزا فاطمہ خواجہ آکھیے جو معاشی بہتری دے حوالے نال حکومت دیاں کوششاں دے چنڳے نتیجے نکلدے پئن، ملک دی معیشت ترقی دی راہ تے ٹردی پئی اے، آندے کجھ سالاں اچ آئی ٹی دے شعبے اچ 70 کروڑ ڈ??لر توں ودھ دی سرمایہ کاری متوقع اے۔ اے ڳالھ انہاں ہک تقریب نال خطاب کریندے ہوئیں آکھی۔ وفاقی وزیر آکھیے جو آئی ٹی دے شعبے اچ سرمایہ کاری دے حوالے نال خوشخبریاں موجود ہن تے آندے کجھ سالاں اچ پاکستان اچ 70 کروڑ ڈ??لر توں ودھ دی سرمایہ کاری متوقع اے۔ انہاں آکھیے جو معاشی بہتری دے حوالے نال حکومت دیاں کوششاں دے چنڳے نتیجے نکلدے پئن تے قومی معیشت ترقی دی راہ تے ٹردی پئی اے، ترسیلات زر اچ ودھارا ریکارڈ کیتا ڳئے۔ انہاں آکھیے جو پالیسی ریٹ تے مہانگ دی شرح اچ گھٹکی تھئی اے جیڑھی معاشی ترقی کوں ظاہر کریندی اے۔ افواج پاکستان بھارت دی جارحیت دا بہادری نال جواب ݙتے۔ شزا فاطمہ خواجہ آکھیے جو بھارت نال اڄوکی کشیدگی دے دوران پاکستان ٹیکنالوجی دے حوالے نال دنیا دے سامݨے ابھریے۔ انہاں آکھیے جو پاکستان 20 کروڑ موبائل سبسکرائبرز دا اہم سنگ میل وی پار کر ڳ??دے۔
.jpg)
.jpg)
.jpg)
