اسلام آباد۔3جو??ائی(اے پی پی) وزیراعظم محمد شہباز شریف شنگھائی تعاون تنظیم کونسل آف ہیڈز آف اسٹیٹ دے اجلاس اتے ایس سی او پلس دے سربراہی اجلاس اچ شرکت سانڳے دوشنبہ توں قازقستان دے دارالحکومت آستانہ روانہ تھی ڳئن۔ وزیراعظم دفتر میڈیا ونگ توں جاری بیان موجب وزیر اعظم محمد شہباز شریف 3 اتے 4 جولائی کوں آستانہ، قازقستان اچ شنگھائی تعاون تنظیم کونسل آف ہیڈز آف س??یٹ (سی ایچ ایس )دے اجلاس اتے ایس سی او پلس ( ایس سی او -پلس ) دے سربراہی اجلاس اچ شرکت سانڳے قازقستان ویسن ۔ انہاں دے رلے نائب وزیراعظم محمد اسحاق ڈار اتے کابینہ دے ٻئے سینئر ارکان تے اعلیٰ سرکاری افسر وی ہوسن ۔ شنگھائی تعاون تنظیم دے سربراہان دی کونسل دے اجلاس اچ وزیر اعظم اہم علاقائی تے عالمی مسئلیں تے پاکستان دا نقطہء نظر پیش کریسن ۔ وزیر اعظم ایس سی او -پلس سمٹ توں خطاب کریسن ۔وزیراعظم اہم علاقائی اتےعالمی مسئلیں تے پاکستان دا موقف ݙسیسن ۔ وزیراعظم ایس سی او خطے دے لوکاں دی فلاح تے بہبود دے حوالے نال شنگھائی تعاون تنظیم دی اہمیت کوں نشابر کریسن ۔ وزیراعظم سربراہی اجلاس دے موقع تے شریک رہنماواں نال ملاقاتاں کریسن ۔ وزیر اعظم محمد شہباز شریف دی اڄ روس دے صدر ولادی میر پوٹن ، ازبکستان دے صدر شوکت مرزایوف نال ملاقاتاں تھیسن ۔اڄ پاکستان ،ترکیہ اتے آذربائیجان وچال سہ فریقی ڳالھ مہاڑ دا دورہ تھیسی جیندے اچ وزیراعظم شرکت کریسن ۔وزیراعظم اڄ شنگھائی تعاون تنظیم دے رکن ملکاں دے سربراہان دے اعزاز اچ قازقستان دے صدر قاسم جومارت توکائیوف ولوں ݙتے ڳئے عشائیے اچ شرکت کریسن۔
