لاہور۔25مارچ (اے پی پی) لاہور ہائیکورٹ سنی اتحاد کونسل کوں پنجاب اسمبلی اچ مخصوص نشستاں نہ ملݨ دے اقدام دے خلاف دائر درخواست تے ایڈووکیٹ جنرل اتے ایڈیشنل اٹارنی جنرل کوں سݙیندے ہوئیں سماعت ملتوی کرݙتی ۔لاہور ہائیکورٹ دے جسٹس راحیل کامران شیخ صاحبزادہ حامد رضا دی درخواست تے سنوار کوں سماعت کیتی۔درخواست گزاردے وکیل موقف اختیار کیتے جو الیکشن کمیشن کوں مخصوص نشستاں سانڳے چار خط لکھیے ہن ۔ الیکشن کمیشن مخصوص نشستاں ݙیوݨ دی بجائے درخواست کوں ابتدائی طور تے سماعت سانڳے مقرر کرݙتا ۔الیکشن ایکٹ دے مطابق جتݨ آلے امیدواراں دے حساب نال مخصوص نشستاں سیاسی جماعت کو?? ملسن ۔عدالت ٻیاں سیاسی جماعتاں کوں مخصوص نشستاں ݙیوݨ دا نوٹیفکیشن کالعدم قرار ݙیوے۔ سرکاری وکیل دلائل ݙیندےہوئیں آکھیے جو ایں طرح دی درخواست پشاور ہائیکورٹ اچ دائر کیتی ڳئی اے ایں تے حالی فیصلہ محفوظ اے۔موجودہ درخواست اچ ایڈووکیٹ جنرل دا جواب آچکے۔او ??پریم کورٹ اچ ݙوجھے کیس دے حوالے نال مصروف ہن ایں سانڳے عدالت اچ پیش نی تھی سڳدے ۔جسٹس راحیل کامران شیخ آکھیے تساں کہیں آرڈر دے بغیر عدالت اچ آ گیو ،پشاور ہائیکورٹ دی پٹیشن خیبرپختونخوا دی حد تئیں اے ،موجودہ درخواست اچ پنجاب اسمبلی دا معاملہ زیر بحث ا??۔ع??الت ایڈووکیٹ جنرل اتے ایڈیشنل اٹارنی جنرل کوں سݙیندے ہوئیں سماعت ملتوی کرݙتی۔
.jpg)