اسلام آباد – 08 جولاءِ (اي پي پي) صدر ممنون حسين چيو آهي ته سي پيڪ سان لاڳاپيل توانائي جي منصوبن ۾ استعمال ڪيل جديد ٽيڪنالاجي ملڪ جي ڊگهي مدي واري ترقي ۽ استحڪام لاءِ اهم ڪردار ادا ڪندي. هو سائنس ۽ ٽيڪنالاجي بابت چين جي وزير گانگ وان سان ڳالهائي رهيو هو جنهن ايوان صدر ۾ ساڻس ملاقات ڪئي، سائنس ۽ ٽيڪنالاجي وارو وفاقي وزير رانا تنوير حسين ۽ ٻيا اعليٰ عملدار پڻ ان موقعي تي موجود هئا. صدر چيو ته ٻنهي ملڪن جي وچ ۾ سائنس ۽ ٽيڪنالاجي جي شعبي ۾ ٻطرفي تعاون ۾ مثبت اڳڀرائي جاري آهي ۽ تازي دوري جي موقعي تي ڪيل فيصلن تي عملدرآمد سان ان اهم شعبي ۾ تعاون کي وڌيڪ فروغ ملندو.
.jpg)