xاسلام آباد ۔ 19 مارچ (اے پی پی) کورونا وائرس روکنڑ دیاں تدبیراں سانگے ریلوے مرحلہ وار 34 ٹریناں بند کرنڑ دا فیصلہ کیتے، پہلے مرحلے اچ 22 مارچ توں 12ٹریناں اتے یکم اپریل توں بیاں 20 ٹریناں بند کیتاں ویسن۔اے گالھ وزیر ریلوے شیخ رشید احمدمیڈیا بریفنگ اچ آکھی۔ انہاں آکھیا جو بند تھیونڑ آلیاں ٹریناں دے مسافراں کوں 100فیصد ریفنڈکیتا ویسی،جیکر ایڈواونس بکنگ آلے مسافر انہائیں تریخاں تے اوں روٹ دی کہیں بئی ٹرین تے ونجنڑ چاہون تاں اوہا بکنگ ہی قابل عمل منیسی۔انہاںا ٓکھیے جو ٹریناں بند تھیونڑ نال ملازمین دی پنشن اتے تنخواہیں دٰونڑ اچ وڈا مسلہ تھیسی بھل ایندے کیتے وی حکمت عملی بنڑا گھدی اے کیوں جو ریلوے جو کجھ کمیندے او اپنڑے تے ہی خرچ کریندے،پچھلے سال 10ارب روپے دامنافع ملیے۔انہاں ا ٓکھیے جو راولپنڈی ،لاہور ،کراچی اتے پشاور دے سٹیشناں تے رش گھٹاونڑ کیتے ڈو توں ترائے سٹیشناں تے ٹریناں دے سٹاپ بنڑا ڈتے گین،ریلوے سٹیشناں تے صفائی دا مکمل انتظام اے،مسافراں دی سکریننگ ، ریلوے ملازمین کوں ماسک ،کلوز اتے بئءضروری میڈیکل آلات ڈتے گین جیندے بارے وزیراعظم عمران خان کوں ملاقات اچ ساری تفصیل ڈسا ڈٹی اے جو کرونا نال نبڑن کیتے ریلوے چنگے اقدامات کریندا پئے۔
.jpg)
