اسلام آباد۔24مئی (اے پی پی) پاکستان ٹیکسٹائل کونسل (پی ٹی سی) دے چیئرمین فواد انور، نوینا گروپ دے چیئرمین آصف تاتا، اتے سی ای او محمد ایچ شفقات دی قیادت اچ ہک وفد وفاقی وزیر تجارت، جام کمال خان نال ملاقات کیتی۔ ملاقات اچ ٹیرف اتے ٹیکس اچ اصلاحات، توانائی دیاں قیمتاں، سبز سرمایہ کاری اتے ٻئے اہم پالیسی اقدامات اُتے ڳالھ مہاڑ کیتی ڳئی جیڑھے ٹیکسٹائل اتے ملبوسات دے شعبے دی مسابقت، پائیداری اتے ترقی کیتے ضروری ہن۔چیئرمین فواد انور ایں ڳالھ اُتے زور ݙتا ??ے سازگار ماحول ݙتا ونڄے تاں اے شعبہ وختی طور اُتے سالانہ 3 توں 4 ارب امریکی ڈالر دی اضافی برآمدات اچ کردار ادا کر سڳدے، جیڑھا وفاقی حکومت دے وژن اتے پالیسیاں دے عین موجب اے ۔ وزیر تجارت جام کمال خان وفد کوں یقین ݙیوائے جو حکومت آ??دے وفاقی بجٹ اچ برآمدی شعبیاں دی مکمل معاونت کریسی۔ انہاں آکھیے جو اساں علاقائی ٹیرف برابری دی پاسے ودھدے پیوں تے ݙسائے ایں سلسلے اچ وزیر خزانہ دی سربر??ہی اچ ہک کمیٹی بݨائی ڳئی اے جیڑھی ٹیرف اصلاحات کیتے ہک پائیدار فریم ورک تیار کریسی۔ملاقات اچ توانائی دے نرخاں اچ علاقائی مسابقت، ایکسپورٹ ڈویلپمنٹ فنڈ دے موثر استعمال، اتے حکومتی امدادی اسکیمز دے تحت واجب الادا کلیمز دی وختی ادائیگی جیھے معاملیں اُتے وی ڳالھ مہاڑ کیتی ڳئی۔ پی ٹی سی شعبے کوں بین الاقوامی پائیداری دے تقاضے پورے کرݨ اتے صنعتی ڈی کاربنائزیشن کوں ودھارا ݙیوݨ کیتے “گرین کریڈٹ سکیمز” متعارف کراوݨ دی وی سفارش کیتی۔
