اسلام آباد ۔ 28 مئی (اے پی پی) وزیر خارجہ مخدوم شاہ محمود قریشی آکھیے جو او آئی سی وزرائے خارجہ کونسل دے اجلاس اچ ہک نویں امن منصوبے تے ایران دی صورت حال نال پیدا تھیونڑ آلی کشیدگی تے تناﺅ تے گال مہاڑ دا امکان اے ، پاکستان اجلاس اچ ایں تناظر اچ اپنڑاں نقطہ نظر پیش کریسی۔ اے گال انہاں منگل کوںاو آئی سی وزرائے خارجہ کونسل دے اجلاس اچ شرکت کیتے سعودی عرب روانہ تھیونڑ توں پہلے میڈیا نال گال مہاڑ کریندے ہوئیں آکھی اے ۔انہاں آکھیے جو سعودی عرب اچ اسلامی ملکاں دی تنظیم دا اجلاس اے جیں کیتے وزیراعظم وی تشریف گھن ویسن ۔ انھاں آکھیا جو او آئی سی دے کونسل آف فارن منسٹرزدا اے اجلاس ایں سانگے وی اہمیت رکھیندے جو ایں اجلاس اچ مشرقِ وسطیٰ دی صورتحال تے گال مہاڑ کیتی ویسی ۔ وزیر خارجہ آکھیے جو ہک نواں امن منصوبہ جیں دا تذکرہ تھیندا پئے ایندے تے وی اجلاس اچ گال تھیسی۔وزیر خارجہ آکھیے جو اے ایں اجلاس دے دوران انہاں دیاں کجھ وزرا خارجہ نال ملاقاتاں وی طے ہن جڈاں جو او آئی سی دے سیکرٹری جنرل نال وی ملاقات تھیسی ۔
