اسلام آباد۔21مئی (اے پی پی):وفاقی و??یر اطلاعات و نشریات مریم اورنگزیب آکھیے جو بھارت پرامن حریت لیڈر یاسین ملک تے کوڑے مقدمے بݨائے ، فری ٹرائل دے بغیر انہاں تے 19 مئی کوں فرد جرم لاتی۔ میڈیا رپورٹس ہن جو انہاں کون 25 مئی کوں سزا سݨائی ویسی، بھارت فری ٹرائل ݙتے بغیر یاسین ملک کوں موت یا عمر قید سزا سݨاوݨ چاہندے ، بھارت کھلم کھلا انسانی حقوق اتے عالمی پروٹوکولز دی خ??اف ورزیاں دا مرتکب اے، عالمی برادری کوں ایندا نوٹس گھنݨا چاہیدے ، وزیراعظم شہباز شریف یاسین ملک دا معاملہ عالمی سطح تے چاوݨ دی ہدا??ت کیتی اے ، وزارت قانون تے وزارت انسانی حقوق ایں ضمن اچ کم شروع کرݙتے ، ہفتے کوں اتھاں حریت رہنما یاسین ملک دی ذال مشعال ملک اتے دھی دے رلے پریس کانفرنس توں خطاب کریندے ہوئیں وفاقی و??یر اطلاعات آ??ھیے جو یاسین ملک تے اڄ تئیں کہیں وی منفی سرگرمی دا الزام نی لڳیا ، انہاں اپݨی پوری زندگی کشمیر کاز کیتے وقف کیتی۔ انہاں آکھیے جو یاسین ملک دی ذال مشعال ملک ستمبر 2014ء اچ یاسین ملک نال ملی ، ایں ویلھے انہاں دی دھی دی عمر ݙو سال ہئی۔ انہاں آکھیے جو یاسین ملک دی کشمیر کاز کیتے لازوال قربانیاں ہن، تہاڑ جیل توں انہاں دی جاری تھیوݨ آلی ویڈیو اچ او ھک ڳالھ کریندے پئن جو انہاں کوں ٻولݨ دی اجازت ݙتی ونجے ، انہاں آکھیے جو بھارت کوں ݙر کائنی تاں او ھک بندے دے ٻولݨ تے اینکوں فری ٹرائل ݙیوݨ توں کیوں گھبریندا پئے ۔ انہاں آکھیے جو بھارت کھلم کھلا بین الاقوامی قوانین دی خ??اف ورزیاں کریندا پئے۔ وفاقی و??یر اطلاعات آ??ھیے جو وزیراعظم شہباز شریف وزارت قانون اتے وزارت انسانی حقوق کوں ہدا??ت کیتی اے جو یاسین ملک دے معاملے کوں عالمی سطح تے چاتا ونڄے ۔
