اسلام آباد ۔ 02 دسمبر (اے پی پی)وفاقی وزیر مذہبی امور تے بین المذاہب و ہم آہنگی سردار محمد یوسف آکھیا ہے جو عید میلادالنبی دا ڈینھ مبارک اتے ملت اسلامیہ سانگے اہمیت دا حامل ہے ۔ا یہ ڈینھ اساکوں اسوہ حسنہ دی روشنی وچ زندگی گزران دادرس ڈیندے ، سیرت النبی کانفرنس دا انعقاد پیغمبر اسلام نال نسبت اتے محبت دا ثبوت ہے ۔انہاں خیالین دا اظہار انھاں ”اسلامی ریاست وچ قومی قیادت دے رہنماءاصول تعلیمات نبویﷺ دی روشنی وچ “ دے موضوع تے بین الاقوامی سیرت النبیﷺ کانفرنس وچ اپنڑے استقبالیہ خطبے دے دوران کیتا ۔ انہاں کانفرنس وچ شرکت کرنڑ آلے وزیراں ، پارلیمانٹ دے ارکاناں ، سفیراں ، کرغرستان دے مفتی اعظم ، مختلف ملکاں دے سکالراں ، ادباءاتے کانفرنس دے بئے شرکاءدا خیرمقدم کیتا۔انہاں آکھیا جو عید میلادالنبی دا ڈینھ مبارک اتے ملت اسلامیہ سانگے اہمیت دا حامل ہے ، ایہ ڈینھ اساکوںاسوہ حسنہ دی روشنی وچ زندگی گزران دادرس دیندے ۔وزیر مذہبی اموآکھیا جو حضور دیاں تعلیمات دافروغ وقت دا اہم تقاضا ہے۔انہاں داآکھنڑ ہا جووزارت مذہبی امور و بین المذاہب ہم آہنگی انہاں تعلیمات دے فروغ سانگے اپنڑاں کردار ادا کریندی پئی ہے اتے ملک وچ محفلاں دے انعقاد وی ایں سلسلے دی ہک کڑی ہے ۔ انہاں آکھیا جو اساڈی وزارت دی کوشش ہے جو ملک دے اندرونی حالات دے پیش نظر مذہبی رواداری ، عدم تشدد اتے اتحاد تے اتفاق تے مبنی تعلیمات کوں ودھ توں ودھ فروغ دتا ونجے ۔ وفاقی وزیر آکھیا جو اج وطن کو ںانہاں تعلیمات دی ودھ ساری ضرورت ہے ، وڈے وڈے مسئلیاں دا ح?? افہام و تفہیم نال کڈھیا ونج جا سگدے۔ انہاں ?? کھیا جو وزارت ہر سال سیرت النبی دے حوالے نال کانفرنس منعقد کریندی ہے، کل میلادالنبی جمعتہ کوں ہااتے علماءتے مشائخ دیاں مصروفیات دی وجہ نال اج ہفتے کوں اے کانفرنس منعقد تھئی ۔ گزریل سال لہور وچ کانفرنس دا انعقاد تھیا اتے جاری سال اتھاں وفاقی دارالحکومت وچ تھیندی پئی ہے۔ انہاں کانفرنسان دے انعقاددا مقصد تعلیمات نبوی دا پرچار ہے جیرھا جو ہر زندگی دے سارے پہلواں دی رہنمائی دا وڈااتے موثر ذریعہ ہے ۔انہاں آکھیا جو کانفرنس دا موضوع وطن عزیز وچ قومی قیادت دے انتخاب وچ عوام دیاں سہولتاں دے پیش نظر منتخب کیتا گئے جیں توں عوام دی رہنمائی تھیسی جو انہاں دی قیادت وچ کیڑھیاںخوبیاں ہونڑ چاہیدن۔انہاں آکھیا جو قرآن پاک دے شہید ورقیاں کوں مناسب طریقہ نال تلف کرنڑ سانگے ری سائیکلنگ پلانٹ لاتا گئے جڈانجو قرآن دیاں طباعت ، انٹر نیٹ تے توہین آمیز مواد روکنڑ سانگے سیل بنڑاونڑ ، رمضان المبارک دے احترام دے قنون کوں چنگا بناونر سانگے ترمیم ، جہیز دے حوالے نال قنون سازی ، اسلام آباد دی سطح تے نما?? کلینڈراں دی ترتیب اتے ترغیب دے علاوہ حج آپریشن وچ چنگائی دے اقدامات کیتے گئے ہن۔انہاں آکھیا جو وزارت اپنڑیاں کارروائیاں کوں ویب سائٹ اتے سوشل میڈیا تے روزانہ اپ ڈیٹ کریندی ہے تاں جو عوام وزارت دی کارکردگی بارے جانڑ سگے۔
.jpg)
.jpg)
.jpg)
